Marmore de Pario statuas si ponere possem,
Pingere vel vultus, vivoque referre colore,
Ducere si possem referentes aere figuras,
Sive viros meritos coelo stellisque beare,
Camdenum statuae, color, aes marmorque referrent. 5
In laudem Aschami Camdenus talia quondam
Scripsit, et in laudes sic ego (Clare) tuas,
Idque ex ore tuo, verbis et versibus iisdem
Te canto, tua queis Musa beavit eum.
Dignior et multo es Parium quem marmor honestet, 10
Quem pictor, Musae, et quisque poeta canat,
Sydera quem donent coelesti sede, Lycaei
Quem mysta aeternis percolat officiis.
ROB. BURTON, S. T. B. EX AEDE CHRISTI