O solaciolum meum, Perilla,
die: Quid Cinnama nostra rure fecit
hos sex continuos dies? Valetne?
Nam quidam mihi pessimus cinaedus
dixit quod tenerum pedem catella, 5
dum ludit nimium, procaci morsu
illi presserat, et domi manebat
exspectans medicos ab urbe missos.
Quare te rogo per tuos ocellos,
illos praevenias probeque cures, 10
ne qua se nimium licentiosos
praestent, dum cupiunt boni videri;
nam bracis sine, pallio tumenti
manu vix retinent utraque penes
infestos pueris puellulisque. 15