Quantum tres Priami potuissent vivere mundo
Aut quantum cornix atque elephans superest,
Tantam dum numeres longaeva aetate senectam,
Te numquam firmas Tartara posse pati
Et credis Lachesim numquam tua rumpere fata 5
Aeternoque putas stamine fila trahi.
Quamvis tarda, tibi veniet mors ultima tandem,
Cum magis oblitus coeperis esse tui.
Nam poena est potius morbis producere vitam—
Quod non semper habes, tristius, esse diu, est. 10