Priscos cum haberes quos probares indices,
Lector, placere qui bonis possent modis,
Nostri libelli cur retexis paginam
Nugis refertam frivolisque sensibus,
5Et quam tenello tiro lusi viscere?
An forte doctis illa cara est versibus,
Sonat pusillo quae laboris schemate,
Nullo decoris, ambitus, sententiae?
Hanc tu requiris et libenter inchoas,
10Velut iocosa si theatra pervoles.