Nostris sollemnis saeculis
Refulget dies inclita,
Quo sacer caelos Columba
Ascendit ferens trophea.
5Sed priusquam eum mater
In auras lucis ederit,
E sinu solem prospicit
Terris lumen defundere.
Qui post altus Hibernia,
10Sacro edoctus dogmate,
Gallica arua adiens,
Plebi salutem tribuit.
Egri sanantur ocius,
Cautis producit latices,
15Pisces in usum prebetur,
Cedit imber a segete,
Prolem capit sterelis,
Alis rapinam reddidit,
Farris horreo augetur,
20Abscisa caro sospis est.
Tactus uidet nec cernitur,
Sentit damna ergastolum,
Fugit pestis ab homine,
Quam daemon seuus miserat.
25Ligeris scapham retinet,
Ablata furto prodeunt
Cecusque lumen recipit,
Prebendo cibos augetur.
In aescas alis ueniunt,
30Fere iussis oboediunt;
Fides patrari conscia
Nouit quae poscit omnia.
Gloria tibi Trinitas,
Aequalis una deitas
35Et ante omnia saecula
Et nunc et in perpetuum.