Quis haec, me miserum, labella suxit?
Quis has, me miserum, genas momordit?
Quis collo, ah miserum, notas reliquit?
Quis ah, quis teneras sacer papillas5
Tractavit digitis manuque pressit?
Quis candentia gutture ex eburno
Accepit spolia ore, dente, labris?
Quis felix animam, beatus hudo
Quis de pectore rettulit salivam?10
Quis o caetera, sed quis, ah quis? Heu,
Meme iam miserum iuvat perire.
Quis stricto pugione pectus haurit?
Hic, hic est dolor ense finiendus.