Est soloecismus uitium ceu barbaque rismus.
Est barbarismus cum dico "domina dominus",
Est soloecismus "uir mea, sponsa meus".
Sub soloecismo sunt istae barbaque rismo:
5Dictio turpe sonans cacenphaton ipsa uocatur,
Vt si dicatur Tytides medidiesque.
Ast euphonia sit tibi dictio pulchra sonora,
Vt si dicatur Tydides meridiesque.
Ambiguum dictum dici solet amphibolia.
10"Subsannabit eos" sic anthropospathos exstat.
Tapinosis erit, uocitetur si mare gurges.
"Ibant qua poterant" simul haec et cetera dicas,
Perissologia fiet seu macrologia.
Acyrologia fit, si dicas "spero dolorem".
15Estque pleonasmos, dicas "sic ore locuta est".
Saepe unum repetit uitiose tautologia:
"Ipse egomet" dicas, facies sic tautologiam.
Dicas "cum nobis", cacosyntheton esse probatur.
Alleoteta genus nescit numeros neque casus.