Solitas galea fulgere comas,
Stilicho, molli necte corona,
cessent litui saevumque procul
Martem felix taeda releget.
5tractus ab aula rursus in aulam
redeat sanguis, patris officiis
iunge potenti pignora dextra.
gener Augusti pridem fueras,
nunc rursus eris socer Augusti.
10quae iam rabies livoris erit?
vel quis dabitur color invidiae?
Stilicho socer est, pater est Stilicho.