Ille ego qui Latium priscas imitarier artes
Explosis docui sermonum ambagibus et qui
Eloquium magni Demosthenis et Ciceronis
In lucem retuli Chrisoloras nomine notus:
5 Hic sum post uitam et peregrina in sede quiesco.
Huc me concilii deduxit cura, trium dum
Pontificum ecclesiam uexaret seua tyrannis.
Roma meos genuit maiores; me bona tellus
Bizantina tulit, cinerem Constantia seruat.
10 Quo moriare loco nil refert: undique celum
Penarumque locus mensura distat eadem.