Poetósfera › La Biblioteca › Ianus Pannonius
Ianus Pannonius · Medieval
latín
Occurrit quicquid, tu mox epigrammata poscis;
Nec fieri hoc debet, nec, Polycarpe, potest,
Nec valet ex omni signata moneta metallo,
Sed quae vel rutilat fulva, vel alba nitet.
Tum demum facili componam pectore carmen,
Si dederis dignam carmine materiam.
Hanc olim festiva tenent epigrammata legem,
Commendet pungens semper ut illa sapor.
Sunt quaedam, nullo quae possim dicere metro,
Sunt quaedam, quae vel dicta leporis habent.
← Epigrammata (Pannonius) — 448. CHRISTOPHORO CRISPOEpigrammata (Pannonius) — 45. DE AMATORE LIBRORUM VETERUM →
ws-la-epigrammata-pannonius-449-ad-polycarpum--ianus-pannonius-927923Las obras de dominio público se reproducen íntegras, con atribución y en la ortografía de su impreso. ¿Ves una errata o conoces una fuente mejor? Escríbenos desde Sobre la casa.