135.0737|
135.0737C| Maturitatis hoc calore copiam,
Carpophorus aucto percipit Abundantio,
Spoletum agone qui venustant gloriae,
Prior sacerdos ac minister subsequens.
Pro laude Christi nam subacti fustibus
Primum, inde tetro mancipantur carceri,
Potus negato vel cibi solamine.
Ductore at inde proferuntur coelite,
135.0738C| Semenque verbi in arva spargunt pectorum.
Rursumque tentis ora saxeus rigor
Tundit; levantur hinc eculei culmine;
Fortesque diro dum probantur tormine
Iterum tenebris ingeruntur horridis.
Queis macerati, ac praeparati laureis
Tandem ense caesi celsa scandunt sidera.