135.0551|
135.0551A| Hic Agabi pollent sancti monumenta prophetae,
Inque rudi testamento, cui gratia vatum
Enituit veterum, claro ventura canenti.
Ille famem multis praedixerat ante diebus
Quae pressit totum, regnat dum Claudius, orbem.
Namque prophetali pulsus cum munere, dona
Huc a Judaea manifestans coelica venit,
135.0552A| Judaeis ablata, piae sed tradita genti:
Lumen ab Hebraeis extrusum gentibus ortum.
Hic sancto cecinit Paulo sua vincla manere;
Cujus corripiens zonam, palmasque pedesque,
Devinxit sibi, vaticinans sic esse ligandum
In Solima fratrem, cujus vincimen id esset.