Simon Zelotes nec non Chananeus idem.
Inter apostolicos Petri cognomine functus,
Coetus qui docuit gentiles dogma supernum,
Ut celsum peterent coelesti tramite regnum;
Cujus in hac aula sacra servabitur ara,
Cum polus et tellus ac ponti flustra fatiscant,
Donec supremis scintillent saecla favillis,
Et mundi moles, montes collesque liquescant,
Atque creaturae cerarum fluxus ad instar
Machina succumbat flamma crepitante per orbem.