Ardua montanos inter splendentia lucos
Culmina et indigenis nunc metuenda feris,
Quo deserta prius solum nemus atra tenebat
Tetraque inaccessam sederat umbra viam,
Qua vos laude canam quantoque in carmine tollam, 5
In quibus extructa est atque locata salus?
Hic etiam ignitus tepet ad praetoria fervor,
Plenior et calidas terra ministrat aquas.
[Quis sterilem non credat humum? Fumantia vernant
Pascua; luxuriat gramine cocta silex.]10
Innocuos fotus membris parit intima tellus
Naturamque pio temperat igne calor.
[Et cum sic rigidae cautes fervore liquescant,
Contemtis audax ignibus herba viret.]