Hic Iulianus ego dumosa in rupe quiesco
romane presbiter ecclesie.
Funeris et tumuli careo: non eget honore
Qui pro te vitam, Christe benigne, dedi.
5 In Teucros tua signa tuli vicique rebelles
Sepius, ac demum victus et ipse obii.
En ego sat vixi docuique rite Bohemos
Argolicosque patres dogmata nostra sequi.
Iam bene mecum actum experior, sed Grecia plorat
10 Maiori posthac semper habenda iugo.
Parcite, Romani Grecique, dolere: nefas est
Quod superis placuit non tolerare homines.