Remensi populo lumen firmamque columnam,
Rainaldum Christi gratia contulerat.
Hic quoque Martini sublatus ab aede beati,
Remensi multum profuit ecclesiae.
Hunc mors in tanto florentem pontificatu
[1197D] Attigit, et vacuam fecit item cathedram.
Pupilli cives pro tanto praesule flentes,
Corpus pontificis hic posuere sui.
Hic populus glebae dignos dispensat honores,
Dispenset veniam cunctipotens animae.
Hunc duodena dies Februi praeeunde kalendas,
Destituit mundo, substituitque polo.