Alite fisus equo properus dum fulminat hostes,
Se scutum praebens auxiliare suis,
Raherius cecidit, quo non audacior ullus,
Hostili telo fixus utrumque latus.
Emisit flatum subito cum sanguine mixtum,
Exemplum factus lugubre militibus.
Militiae graviter stipendia saeva remisit,
Propter quam corpus contulit atque animam:
[1195D] Quod si sponsa Dei sponso pro talibus audet,
Et pro Raherio supplicet ipsa Deo.