(0336D)
Aedibus ad genium duo sunt concessa per aevum,
Si niteant crustis, aut domini merito. (0337A)
Herbida pasturam simulantia saxa virentem
Illiciant oculos nobiliore dolo.
Pellat opus tamen arte, regat natura figuras,
Viscera dum lapidum fingit imaginibus.
Candorem roseo perfundat doctor ab ore,
Depingat sparsis congrua membra notis.
Aurum, culmen, ebur, tabulas, laquearia, gemmas
Non datur humanis plus rutilare bonis.
In pretio cautis fors et sine lege iocatur.
Moribus ut constes, crede, laboris erit.
(PL 63 0337A)