Sta, lege, pertracta, quid sis, quae sint tua facta,
Per breve, per dubium vivitur hic spatium.
Ut flos ecce cades, cinis ad cinerem cito vades.
112.1681B| Summa vel ima petens, dignaque lucra metens.
112.1682A| Nunc age, dum vivis, summae patriae fore civis,
Mors sit spesque tibi fixa frequenter ibi:
Qua perpes vita, qua gaudia sint stabilita,
Absque labore quies et sine nocte dies.
Qui legis haec, ora pro me pro teque labora,
Pro te meque reo da tua vota Deo.
Posce mei miseri miseratorem misereri,
Meque boni veri participem fieri.