Carmina (Baldericus) — 45. Super Erilandum

Littera quem diues magnum iubar extulit orbi,
Orbi deflendus, hic, Erilande, iaces.
Magne senex, lingua pariter iocundus et actu,
Sufficeres orbi, si diuturnus eras.
5Nec mors nec senium quemquam nocuisset, ut ipse
Nescisses mortem taliter aut senium.
Sed quoniam commune mori est et labitur aetas,
Parcatur lacrimis sitque locus precibus.
Dum te terra fouet, tua molliter ossa quiescant;
10 Sit quoque cum Christo pars, Erilande, tibi.