Si, Ricarde, meis precibus monitisque fauebis,
Sim tibi uotorum spes indelusa tuorum.
Fallere non potero, qui me non fallit amando;
Pectoris unius iam nunc duo corpora simus.
5Tu michi sis consul, tu secretarius esto;
Illud et illud ego tibi me, Ricarde, paciscor.
Crede michi credamque tibi, sit uterque fidelis,
A sibi commisso neuter defraudet amicum.
Me fidei commendo tuae, me suscipe tutus;
10Inueniam tutum, cui me uolo credere totum.
Ipse prior gratis plus, ut michi gratificeris
Continuo, quicquid me uelle putaueris, offer.