1. A patre genitus ante luciferum,
In terris editus ab arce superum
Venit, non veritus virginis uterum,
Pellere penitus zimata veterum.
De privilegio tante leticie
Congaudet unio celestis curie.
2. De celo mittitur nova progenies,
In qua, construitur geminus paries.
In dumis sumitur typicus aries,
Per quem diluitur Ade cauteries.
De privilegio tante leticie
Congaudet unio celestis curie.
3. Mystice legitur in euuangelio,
Quod vestis redditur reduci filio.
Qui dum redimitur vituli precio,
Maior non solvitur a legis studio.
De privilegio tante leticie
Congaudet unio celestis curie.