Asclepiadei ad librum suum

Parvus nobilium cum liber ad domos
Pomposique fori scrinia publica
Cinctus multifido veneris agmine,
Nostri defugiens pauperiem laris,
5Quo dudum modico sordidus angulo
Squalebas, tineis iam prope deditus,
Si te despiciet turba legentium
Inter Romulidas et Tyrias manus,
Isto pro exequiis claudere disticho:
10“Contentos propriis esse decet focis
“Quos laudis facile est invidiam pati.”