Archicancellarie,
splendore prudentie,
iubar es ecclesie,
Laudes tibi canimus,
illustratur animus
quod libenter facimus,
Pollens bonis moribus
in humanis artibus
cum sis maior omnibus,
Vir fortis et sapiens
in adversis paciens,
cuncta bene faciens
Ulixe facundior
columba simplicior
serpente callidior
Alexandro forcior
David mansuetior
Martinoque largior
In regni negocio
qui sine consilio
viget tanto socio
Adhuc starent menia
nec Caesar per prelia
nisi dei gracia
Electum Colonie
pre multa pauperie
conqueror hoc hodie
Dum sanctorum omnium
singuli colentium
archicancellarium
Poeta conposuit
†atyrus inposuit
unde bene meruit
viris maior ceteris,
qua prudentes preteris,
sicut sol est etheris.
cuius luce iubaris
Friderici Cesaris,
cum sis dator hilaris.
et nitore generis,
et divinis litteris,
nullo minor crederis.
Fortunam non sequeris
modestus in prosperis;
recta via graderis.
Tulliane loqueris,
nulli fraudes ingeris,
a nullo deciperis.
inimicos conteris,
a cunctis diligeris,
das quod iuste peteris.
fit quodcumque precipis,
nichil prorsus incipis;
mens Romani principis.
Mediolanensium
victor esset hostium,
te dedisset socium.
claris dignum laudibus
nudis laudo pedibus;
coram sanctis omnibus.
colitur celebritas,
gerunt vestes inclitas,
vatis pulset nuditas.
racionem rithmicam,
melodiam musicam,
mantellum et tunicam.
Archicancellarie,
viris maior ceteris,
splendore prudentiae,
qua prudentes praeteris,
iubar es ecclesiae,
sicut sol est aetheris.
laudes tibi canimus,
cuius luce iubaris
illustratur animus
Friderici Caesaris,
quod libenter facimus,
cum sis dator hilaris.
pollens bonis moribus
et nitore generis
in humanis artibus
et divinis litteris
cum sis maior omnibus,
nullo minor crederis.
vir fortis et sapiens
Fortunam non sequeris,
in adversis patiens,
modestus in prosperis,
cuncta bene faciens
recta via graderis.
Ulixe facundior
Tulliane loqueris,
columba simplicior
nulli fraudes ingeris,
serpente callidior
a nullo deciperis.
Alexandro fortior
inimicos conteris,
David mansuetior
a cunctis diligeris,
Martinoque largior
das, quod iuste peteris.
in regni negotio
fit quodcumque praecipis,
qui sine consilio
nihil prorsus incipis;
viget tanto socio
mens Romani principis.
adhuc starent moenia
Mediolanensium
nec Caesar per proelia
victor esset hostium,
nisi dei gratia
te dedisset socium.
electum Coloniae
claris dignum laudibus
prae multa pauperie
nudis laudo pedibus;
conqueror hoc hodie
coram sanctis omnibus.
dum sanctorum omnium
colitur celebritas,
singuli colentium
gerunt vestes inclutas,
Archicancellarium
vatem pulset nuditas.
poeta composuit
rationem rhythmicam,
at Irus imposuit
melodiam musicam,
unde bene meruit
mantellum et tunicam.