Dalunc dla patria.
Dalunc dla patria dlun drumblenn,
dalunc tres net y ont,
mo pôrteste demez dassënn,
ćiaval da fü liront.
Soront y su te cösc vagun
i sun atlò sonté.
Ći nëi chʼ al è defora dlunch,
y vigne rü dlacé.
I dlungiaía desco bâi
sʼ an sciampa vigne lën,
ombríes fosces fej i vai,
y al ci la löna vën.
Ćiamó naôta ćiari endô
a chi bi crëp dʼ arjont.
Na frizia i vëighi bën ćiamó
dalunc tal firmamont.
Inće chi ne vëighi plü!
Dagnora plü y plü ennant
mo porta ía le ćiaval da fü,
a döt i sciámpel dant.
O beles munts dla patria, adio,
a can chʼ i vëgni endô!
y fôsc ne dörera plü dio,
chʼ i passi endô atlò.