Veillz Cumunal plaides

Veillz Cumunal plaides,

ver breviat lo corves!

E·ill malvaz serventes

que vos auch far e dir,

me tornon en azir,

e·ill vostra janglosia,

don vos faiz escarnir,

me desplaz chascun dia,

e·m n’es vos enoios,

que limars d’esperos,

gals esems e falcos

am mais auzir que vos.

Mas sobrebe vos pres

car viella vos volges,

c’ab autra foraz mes

e fera·us greu soffrir.

E non a obs que·us tir,

tossa, sa drudaria,

se ia se·n vol iauzir;

que no se·n iauziria,

c’outra doas messos

non auria drut de vos;

e de nulla·l ainglos

no sera ia cogos.