(Responce par Orléans)
Tant que Pasques soient passées,
Sans resveiller le chat qui dort,
Fredet, je suis de vostre accors,
Que pensées soient cassées,
Et en aumaires entassées,
Fermans à clef tres bien et fort.
Tant que Pasques, etc.
Sans resveiller, etc.
Quand aux miennes, ilz sont lassées,
Mais de les garder, mon effort
Feray, par l'avis de Confort,
En fardeaulx d'espoir amassées.
Tant que Pasques, etc.