(Maistre Jehan Caillau)
Tant sont les yeulx de mon cueur endormiz
En nonchaloir, qu'ouvrir ne les pourroye;
Pour ce, parler de beaulté n'oseroye
Pour le present, comme j'ay fait jadiz;
Joye et soulaz ne sont plus mes amis,
Chose ne voy de quoy je me resjoye,
Tant sont, etc.
En nonchaloir, etc.
Je suis mouillé, et retrait, et remis,
Morne et pensif, trop plus que ne souloye,
J'y voy trouble, car es yeulx ay la taye,
Et n'y congnois le blanc d'avec le bis,
Tant sont, etc.