Repaissez vous en parler gracieux,
Avec dames qui menguent poisson,
Vous qui jeusnez par grant devocion,
Ce vendredi ne povez faire mieulx.
Se vous voulez de Deesses, ou Dieux,
Avoir confort, ou consolacion,
Repaissez vous, etc.
Avec dames, etc.
Lire vous voy faiz merencolieux
De Troilus, plains de compassion;
D'Amour martir fut en sa nascion,
Laissez l'en paix, il n'en est plus de tieulx.
Repaissez vous, etc.