(Orléans.)
En la forest de longue actente,
Forvoyé de joyeuse sente,
Par la guide dure rigueur,
A esté robbé vostre cueur,
Comme j'entens, dont se lamente.
Par Dieu! j'en congnois plus de trente
Qui, chascun d'eulx, sans que s'en vente,
Est vestu de vostre couleur.
En la forest, etc.
Forvoyé, etc.
Et en briefz motz, sans que vous mente,
Soiez seur que je me contente,
Pour allegier vostre douleur,
De traictier avec le Seigneur,
Qui les brigans soustient et hente.
En la forest, etc.