(Simonnet Caillau.)
Ou millieu d'espoir et de doubte,
Helas! je pense jours et nuys;
Mais, par Dieu! bien bref, se je puis,
J'auray pis, ou mieulx, quoy qu'il couste.
Mes yeulx ouvers, je n'y vois goute,
Si non que maintenant j'en suis.
Ou millieu, etc.
Helas! je pense.
J'ay tant fait le guet et l'escoute,
A la fenestre et à l'uis,
Et n'ay pas ce que g'y poursuis,
Aincois m'est force que j'escoute.
Ou millieu, etc.