(Vaillant.)
Des amoureux de l'observance,
Je suis le plus subgiet de France,
Car je sers d'estre mandien,
Et cherche le cotidien;
Mais nul en mon sac rien ne lance.
Aux freres l'aumosne, pour Dieu,
Tousjours vois criant d'uys en huis,
Las! Charité ne trouve en lieu,
Ne Pitié ne scet qui je suis,
Retourner m'en fault sans pitance;
Desir le proveheur me tance,
Puis le beau pere gardien,
Pis suis que Boesme, n'Yndien;
L'ordre vueil laisser sans doubtance.
Des amoureux, etc.