De riens ne sert à cueur en desplaisance,
Chanter, dancer, n'aucun esbatement,
Il lui souffit de povoir seulement
Tousjours penser en sa male meschance;
Quant il congnoist qu'en hasart gist sa chance,
Et desir n'est à son commandement.
De riens ne sert, etc.
Chanter, dancer, etc.
S'on rit, pleurer lui est d'acoustumance;
S'il peut, à part se met le plus souvent.
Afin qu'à nul ne tiengne parlement;
Pour le guerir ja mire ne s'avance.
De riens ne sert, etc.