(Orléans.)
L'eaue de pleurs, de joye, ou de douleur,
Qui fait mouldre le molin de Pensée,
Dessus lequel la rente est ordonnée,
Qui doit fournir la despense du cueur.
Despartir fait farine de doulceur,
D'avecques son de dure destinée.
L'eaue, etc.
Lors le mosnier nommé Bon, ou Mal eur,
En prent prouffit, ainsi que lui agrée;
Mais Fortune souvent desmesurée
Lui destourbe mainteffois, par rigueur.
L'eaue, etc.