(Responce de Nevers.)
Mon tres bon hoste, et ma tres doulce hostesse,
Tres humblement et plus vous remercie
Des biens, honneurs, bonté et courtoisie,
Que m'avez faiz tous deux, par vostre humblesse.
Aussi fais je de vostre grant largesse
Et tres soingneuse et bonne compaignie.
Mon tres bon hoste, etc.
Tres humblement, etc.
Mon povre cueur pour paiement vous laisse,
Prenez en gré, et je vous supplie,
Et oultre plus, tant que je puis vous prie,
Que m'octroyez estre maistre et maistresse.
Mon tres bon, etc.