(Orleans.)
On ne peult chastier les yeulx,
N'en chevir, quoy que l'en leur dye,
Dont le cueur se complaint et crye,
Quant s'esgarent en trop de lieux.
Seront ilz tousjours ainsi? Dieux!
Rien n'y vault s'on les tanse, ou prie,
On ne peut, etc.
N'en chevir, etc.
Quant aux miens, ilz sont desja vieulx,
Et assez lassez de follie;
Les yeulx jeunes, fault qu'on les lye
Comme enragiez, n'est ce le mieulx?
On ne peut, etc.