(Responce au dit Fredet.)
Se regrectez vos dolans jours,
Et je regrecte mon argent
Que j'ay delivré franchement,
Cuidant de vous donner secours.
Se ne sont pas les premiers tours
Dont Convoitise sert souvent.
Se regrectez, etc.
Et je regrecte, etc.
Mais se vous n'avez voz amours,
Puisque Convoitise vous ment,
Le mien recouvreray briefment,
Ou mectray le fait en droit cours.
Se regrectez, etc.