(Bourbon.)
Gardez vous bien du cayement,
Ung chascun tendez y l'oreille,
Pour vous decevoir tousjours veille,
Escoutez s'il dit vray, ou mant.
Il vous trompera meschamment,
Pour ce que sans cesser traveille.
Gardez, etc.
Ung chascun, etc.
Dieu met en mal an le flament,
Vous direz qu'il dort et sommeille
Quant il va; mais il se reveille
En temps et lieu, incessamment
Gardez vous bien, etc.