(Jehan Monseigneur de Lorraine.)
De fol juge, briefve sentence;
Certes bon cueur ne peut mentir,
Et si ne scet du sac yssir
Que ce qui est d'acoustumence.
Là où Raison pert pascience,
On voit bien souvent avenir,
De fol juge, etc.
Certes bon, etc.
Envie, atout sa double lance,
Blesse en mains lieux sans cop ferir,
Dont il se convient repentir
Aucuneffoiz, qui bien y pense.
De fol juge, etc.