(Le conte de Clermont.)
J'amasse ung tresor de regrez
Que ma tant amée m'envoye,
Mais jusqu'à ce que je la voye,
Ne partiront de mes segrez.
La cause pourquoy? je la celle,
Ses griefz maulx qui me font mourir,
C'est pour garder l'onneur de celle
Qui ne me daigne secourir.
Plus l'eslongne, plus d'elle est pres
Mon cueur, dont mon povre oeil lermoye;
Il n'est point doleur que la moye,
Car quant j'ay assez plaint, apres
J'amasse, etc.