(Benoist d'Amien.)
N'oubliez pas les prisonniers,
Bonnes gens, aiez en mercy;
Ilz sont en la tour de Soussy,
Et n'ont ne mailles, ne deniers,
Larrons ne sont point, ne murtriers,
Par envie on les tient ainsi.
N'oubliez pas, etc.
Bonnes gens, etc.
Faictes comme bons aumosniers,
Pour la grant pitié que veez cy,
Et pour vous prieront Dieu aussi
De tres bon cueur, et voulentiers.
N'oubliez pas, etc.