Ce mois de May, ne joyeulx, ne dolent
Estre ne puis; au fort, vaille que vaille,
C'est le meilleur que de riens ne me chaille,
Soit bien ou mal, tenir m'en fault content:
Je laisse tout courir à val le vent,
Sans regarder lequel bout devant aille.
Ce mois, etc.
Estre ne, etc.
Qui Soussy suit, au derrain s'en repent;
C'est ung mestier qui ne vault une maille,
Avantureux comme le jeu de faille,
Que vous semble de mon gouvernerment?
Ce mois, etc.