A qui vendez vous voz coquilles?
Entre vous, amans pelerins,
Vous cuidez bien, par voz engins,
A tous pertuis trouver chevilles.
Sont ce coups d'esteufs, ou de billes,
Que ferez tesmoing voz voisins.
A qui vendez, etc.
Entre vous, etc.
On congnoist tous voz tours d'estrilles,
Et bien clerement voz latins;
Troctez, reprenez voz patins,
Et troussez voz sacs et voz quilles.
A qui vendez, etc.