(Orléans.)
Soupper ou baing, et disner ou bateau,
En ce monde n'a telle compaignie,
L'un parle, ou dort, et l'autre chante, ou crie,
Les autres font balades, ou rondeau.
Et y boit on du viel et du nouveau,
On l'appelle le desduit de la pie.
Soupper ou baing, etc.
En ce monde, etc.
Il ne me chault ne de chien, ne d'oiseau;
Quant tout est fait, il fault passer sa vie
Le plus aise qu'on peut, à chiere lie;
A mon advis, c'est mestier bon et beau.
Soupper ou baing, etc.