C'est par vous que tant fort souspire,
Tousjours m'empire;
A vostre advis, faictes vous bien?
Que tant plus je vous vieulx de bien,
Et, sus ma foy, vous m'estes pire.
Ha! ma Dame, si grief martire,
Ame ne tire
Que moy, dont ne puis mais en rien.
C'est par vous, etc.
Vostre beaulté vint, de grant tire,
A mon oueil dire
Que feist mon cueur devenir sien;
Il le voulut, s'il meurt? et bien,
Je ne lui puis aider, ou nuyre.
C'est par vous, etc.