De legier pleure à qui la lippe pent;
Ne demandez jamais comment lui va,
Laissez l'en paix, il se confortera,
Ou en son fait mectra appoinctement.
A son umbre se combactra souvent,
Et puis son frein rungier lui convendra.
De legier, etc.
Ne demandez, etc.
S'en parle à lui, il en est mal content;
Cheminée, au derrain trouvera,
Par où passer sa fumée pourra;
Ainsi avient le plus communement.
De legier, etc.