(Bouciquault.)
Monstrer on doit qu'il en desplaise
Du meffait, à qui n'a povoir
De servir; car si cru pour voir,
En parler, il semble qu'il plaise;
Qui ne peut pour le moins se taise,
Et face en dueil larmes pleuvoir.
Monstrer on doit, etc.
Du meffait, etc.
Mais dire qu'on n'a temps, ne aise,
Pour aage, d'y faire devoir,
Chascun scet bien apparcevoir
Que pou courcé, tost se rappaise.
Monstrer on doit, etc.