Comme j'oy que chascun devise;
On n'est pas tousjours à sa guise,
Beau chanter si ennuye bien,
Jeu qui trop dure, ne vault rien;
Tant va le pot à l'eaue qui brise.
Il convient que trop parler nuyse,
Se dit on, et trop grater cuise;
Riens ne demeure en ung maintien.
Comme j'oy, etc.
On n'est pas, etc.
Beau chanter, etc.
Apres chault temps, vient vent de bise,
Apres hucques, robbes de frise,
Le monde de passé revien,
A son vouloir joue du sien,
Tant entre gens laiz que d'Eglise.
Comme j'oy, etc.