(Orléans.)
Ce premier jour du mois de May,
Quant de mon lit hors me levay,
Environ vers la matinée,
Dedens mon jardin de pensée,
Avecques mon cueur, seul entray.
Dieu scet s'entrepris fu d'esmay,
Car en pleurant tout regarday
Destruit d'ennuyeuse gelée.
Ce premier, etc.
Quant, etc.
En gast, fleurs et arbres trouvay;
Lors au jardinier demanday
Se Desplaisance maleurée,
Par tempeste, vent, ou nuée,
Avoit fait tel piteux array.
Ce premier, etc.