Mettez dans c’ qui vous faô d’iau
Un boun billot d’ graisse ;
Du saé, du paivre un pouriau
De la grosse espèce.
Yen a qu’ŷ veul’ du persi,
Ch’est i’ nécessaire ?
D’aôcuns diz’ naon, d’aôtres si,
Mé, je n’ m’en s’ cie guère.
Vot’ iau, pendant que j’ prêchons
Crémill’ je présunme ;
V’la qu’ o’ bout à gros bouillons,
J’tez y vot’ légunme.
Des feuv’, parfais des souessons
Aveuque un’ carotte ;
Un mio d’ cel’ri, j’en mettons,
Car cha ravigotte.
Tailliz un’ miettain’ menu
L’ pain dans vot’ soupŷre,
Après, pour vaî si ch’est tchu,
Prenez vot’ quillyre.
Ny manq’ ti ni paiv’ ni sai,
Que ry n’ vous arrête ;
Trempez là, tout est paré ;
Ver’, vot’ soupe est faite.
Tous les majeux d’ayoli,
Vaut’ lû bouillabaisse,
Mais j’ crais qu’ cha n’ dait pas vali
Not’ soupe à la graisse.